उत्साह के साथ युवाओं ने किया स्वागत, राजस्थानी का मान बढ़ाने का लिया संकल्प।

श्रीडूंगरगढ़ टाइम्स 2 अगस्त 2026। हर घर में आगली पीढ़ी न आपणी भाषा घण गौरव र साथ सिखाओ जण टाबर आपणी संस्कृति न सीख सकला। अब समय आ गयो है, कि टाबरां पर ध्यान देवो। एक कहावत है कि जका भोपा कमजोर होव बे भोमियाजी कोनी धोकिज, तो राजस्थानी आपणी भाषा रो घटत मान रो दोष आपां न इच है। आ बात केई प्रसिद्ध शिक्षक और मोटिवेटर राजवीरसिंह चलकोई, और मौको हो श्रीडूंगरगढ़ में बालाजी बजाज में युवाओं द्वारा बार स्वागत अभिनंदन रो। चलकोई लूणकरणसर में होन आला कार्यक्रम में भाग लेवण ने जाता बख्त अठ ठहरया। राजवीरसिंह कह्यो के हर आदमी गांवा में सरपंच, विधायक और सांसद ने ज्ञापन देव और राजस्थानी रे मान सम्मान देवण री मांग कर। बे लोक देवतावां न जातियां में नहीं बांटण री प्रेरणा देत हुव बारं सिद्धांता माथ चालण री बांरी शिक्षा न मानण हर जीवन में उतारण री बात केई। बे केह्यो कि लोकतंत्र में लोक चाव जियां तंत्र कर, अब जणो जणो केसी तो तंत्र राजस्थानी न मान्यता देवण रो काम करसी। ओज्यू तंत्र न ओ लागयो ही कोनी कि लोक आ चाव। बे सगला न निवेदन करयो कि आपरी मायड़ भाषा वास्त की ना की जरूर करो। चलकोई के स्वागत कार्यक्रम में शामिल सगला युवा राजस्थानी म बोलन और आपरां टाबरा न राजस्थानी सिखावण रो संकल्प लियो।
कार्यक्रम रो संचालन बीकानेर प्रेस क्लब रा महासचिव और श्रीडूंगरगढ़ टाइम्स रा डायरेक्टर विशाल स्वामी करयो। ई मोका पर क्षेत्र रा सक्रिय युवा रणधीर ओला, राकेश ज्याणी, बजाज सूं विक्रम स्वामी, अणुव्रत समिति सूं उपाध्यक्ष सत्यनारायण स्वामी, मंत्री एडवोकेट रणवीरसिंह खिची, मांगीनाथ रीड़ी, सहीराम सिद्धि विनायक स्टोर, पार्षद रामसिंह जागीरदार, ओमप्रकाश गांधी, सीताराम गोदारा, कानसिंह पुदंलसर, मर्चेंट नेवी के जवान रामस्वरूप प्रजापत, मांगीलाल, बजरंग, संदीप भारतीय, जाकिर सहित घणी संख्या में शामिल युवा अभिनंदन करयो। उत्साह में युवा भाारत माता हर जय राजस्थानी रा जयकारां साग कार्यक्रम संपन्न करयो।